السلام عليكم ورحمة الله وبركاتــه
عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع وأنا أقولها لأني عارف انها اكثر حاجه تقهر عند التماسيح....بيعووهاا يا بنات واللهــ...يستر..
هالخطوات والله يقويكم
*** عند التلفزيون ***
لا صارت فيه مباراه , والاخ متحمس اقطعي هالحماس وشلون؟!
انا اقولج ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,
هنا بس تقومين بشغلج.. وتسوين نفسج بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمج احد..
واذا قال: ابعدي لااصقعج على وجهج بالكاس قولي بيجون ضيوف . . العبي عليه حتى لو مو جايكم احد , والا سوي نفسج جالسه وتذكرتي ان الكيك بالفرن احترق ناقزي لين توصلين للفيش وامصعيه برجولج ولا تلتفتين وراج..
*** عند النوم ***
لا صار التمساح يشخر.. نكدي عليه نومه وشلون؟! دخلي عليه يهالكمـ ويا يهال جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع ..
*** اذا المزاج مزفت ***
اذا شفتيه ماله خلق ومو رايق ومقفله معه لا تخافين بالع** هذي فرصتج تنتقمين منه يعني تحرشي فيه خلي دمج ثقيييييييييل بالمزح
بس انتبهي في هاللحظه راقبي حركات يده لان ممكن يصك أي شيء قدامه بوجهج ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي شو بيصير
عاد هو بيقوم ويوريج شو بيصير على سنع انتي في هالوقت اقضبي اول درجتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
عادي .. عادي ولا صرتي ياهل شو فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ
*** وقت المضاربه ***
لا جاء يوم وبراسج حرش وتبين تتضاربين انتي والتمساح لازم تجهزين نفسج من كل ناحيه:
1/ اللبس:
لازم تلبسين ترنك خخخخخخخخخ علشان يسهل الركض
2 الكشه
لازم تلمينها وتسوين حفله براسج لذاك اليوم و تحطين انواع الشباصات والمغاطات وانتبهي ولا خصله تنزل منج,
وياليت يكون ذاك اليوم حاطه براسج حناء أو صبغهـ علشان مايتجرأ ويلمس شعرج <==== ابن أمه يجيب مثل هالتفكير
3/ مفتاح الغرفه ولميه الاحتياط واجب
اذا بدت المعركه حطي راسج براسه ولا تبينين له انج خايفه وبققي عويناتك فيه وقوليله شو براسك عاد هو هنا بيقولج هذا اللي براسي طراااااااااااخ الا ومخمس مصفي طبلونه ,
لا تستسلمين عطيه بوووووووم** على عيونه الثنتين علشان مايشوف الدرب وحطي رجلج
.
وعلى طووووووووول لغرفتج اللي مجهزة مفتاحها من قبل واقفلي عليج .. ويادار مادخلك شر بس نصيحه اقعدي يومين لايشوفج ولا تشوفينه لانه يبي ينتقم لكرامته وبيوريج النجوم في عز الظهر ..
على فكرة انا مالي صلاح اذا صار شي
اقول شكلهم اخوانكم بيدعون علي
الموضوع برعاية (( مستشفى خليفه)) نحن بعون الله نرعاكم
ههههههههههههههه
....اسأل مجرب...تراني مجربهــ....وأحب ألعوز بأخوي..خخخخ...
..بيعوهاا يا بنات ولو يوم واحد..خخخ...ما بتخسروا شي..المهم ..نستفزهم ونقهرهمــ...خخخ..
...يا ويلكمــ...يا شباب..خخخخ...
...عصابة البنات قادمهــ...خخخخ...
الإثنين يناير 19, 2009 4:06 am
